البث المباشر
عبّرت الممثلة السورية إمارات رزق طليقة المطرب السوري حسام جنيد، اليوم الثلاثاء، عن غضبها الشديد إثر قيام بلدية مشروع دمر في دمشق بهدم غرفة حرس لمرافقيها، مُتهمةً "شخصية نافذة" مقرّبة من النظام السوري بشراء العقار المقابل للمحرس وإصدار أمر هدمه.
وقالت إمارات رزق في بث مباشر عبر حسابها الرسمي على "فيسبوك"، مخاطبةً رئيس النظام السوري بشار الأسد: "يلي ما له حدا بهل البلد بيندعس".
وأضافت: "رح غادر البلد وأنا غاصة ورح روح عبلد يحترم المواطن أكثر والفن والفنانين وبيحترم البني آدم أكتر وبيعطيهم حقوقهم".
إمارات رزق: القانون في سوريا بيتطبق على ناس وناس
كذلك شاركت إمارات رزق عبر صفحتها في فيسبوك، منشوراً انتقدت من خلاله ازدواجية المعايير في تطبيق القانون في سوريا، مُتسائلةً: "لماذا يُلاحق الفنانون بينما تُغضّ النظر عن مخالفات كبيرة تُرتكب في مشروع دمر؟"
وقالت: "كلشي مخالفات عم تصير بالبلد بيلحقو الفنانين عشي بيعملو ليحمو حالون.. ياريت اجتمعت كل هالعناصر وقت تعرضنا لمواقف إرهابية قدام بيتنا واجو حمونا.. أما بيجو لحتى يهدو مترين بمترين عملنها لشخص يقعد مشان نحمي ولادنا وبيتنا".
وتابعت: "بس لأنو في حدا قرر يجي يسكن جنبنا ما بعرف مين الواسطة تبعه.. فعلاً وكأنو عم بتقولولنا انقلعو برا البلد وبس نطلع منصير خونة وما عنا وطنية".
وختمت الممثلة السورية حديثها قائلة: "سيدي الرئيس ياريت تعرف قديش في مخالفات بمشروع دمر بألاف الأمتار والمحافظة ولا كأنو شايفة ونحنا تحت سقف القانون لما بيكون القانون ع الجميع ... مو لما بدون بكونو قانونيين ولما بدون بغطو على بعض.. بس يمكن عنجد ما عاد إلنا مكان بهل البلد".
