البث المباشر
"محمد شعّار" شاب سوري يتقن فنون السحر ويتميز بحيل خفة اليد، يعرض حيله من خلال بطاقات ورق اللعب (الشدّة) على المارة في شوارع دمشق من دون مقابل.
وعرضت وكالة رويترز تسجيلاً مصوراً لـ الشعّار حاملاً حقيبته التي يضع فيها زهر النرد وعدداً من الكُرات وأوراق اللعب معه أينما ذهب ليصور حيله التي يرتجلها في الشوارع وينشرها على الإنترنت لكسب الشهرة.
ويقول شعار "بسوريا نحنا ما عنا عالم بتفكر بهالطريقة وماعنا عالم تدعمنا فحتى أنا أنعرف أو حتى ورجي اللي بشتغله للعالم فخطر ببالي إنه أنزل عالطريق صور مع العالم صرت أنزل عالطريق وآخد عدتي وبنزل بلتقي مع أشخاص عاديين بقلن مرحبا أنا حابب أعمل لكن هيك.. هيك طبعاً هاد الموضوع بيكون بدون مقابل وبصور وبنزل ع صفحتي عالنت".
وشعار (29 عامًا) درس الاقتصاد وتخرج في جامعة دمشق لكنه انجذب للألعاب السحرية قبل ست سنوات ويعمل منذ ذلك الحين على تطوير مهاراته، بحسب رويترز.
ويقول أسامة وهو شاب سوري عن أداء شعار "يعني شي حلو بس ما بعرف شو بدي قلك أكتر من هيك".
ويتابع شعار "بسوريا لساتنا هيك يعني بتجي لعند شخص بتقله مرحبا أنا بدي أعملك خفة بيقلك ما بدي أو ما بيتقبلها دغري بس هلأ الحمد لله صرت شوي معروف هلأ احياناً بكون ماشي بالطريق فالعالم بتعرفني لحالها بتقلي مو إنت بتطلع عالفيس بوك؟ فيعني صارت الأمور أسهل بالنسبة إلي ردود الأفعال دائماً إيجابية. أول بلشت كانت العالم تكشفني لأنه كان عندن خلفية بلشت بشغلات بسيطة فالعالم عندها خلفية بعدين صرت أتطور فالعالم هلأ الحمد لله صارت الأمور منيحة".
وتقول رغد، فتاة سورية "حلو كتير تفاجأت صراحة إنه تغيرت كل الأوراق. هي خداع وخفة وسرعة".
وظهور السحرة وأصحاب ألعاب الخفّة في شوارع دمشق ليس بالأمر المعتاد بالنسبة للسوريين، والناس عادة لا يقبلون على المشاهدة، لكن شعّار يقول أن ما يتلقاه من تعليقات على عمله إيجابي بشكل عام.
