البث المباشر
هاجم لاعب الترياثلون في منتخب النظام، محمد ماسو، منتقديه بعد حصوله على المركز 47 من أصل 49 في السباق الذي أقيم ضمن أولمبياد طوكيو.
وكتب ماسو على صفحته الشخصية في (فيس بوك): "الواقع إنو إنتو أفشل أمة أخرجت للناس لا مو بس بهيك إذا بتشوفو حدا أنجز شي فوراً بتضلوا تتمسخروا تضحكوا يا أمة المسخره! شكراً عبتضحكونا كتير".
وأضاف: "وبحب أحكي للي عم يتمسخر علي ويقلل من إنجازي إذا ما بتعرف بالرياضة يفضل ماتحكي وتاني شي إذا مانك مقدر بلدك فيو حرب ووضع البلد إلي مأثر عكلشي كمان هي مشكلتك وتالت شغلة الرياضة بدها دعم وتخطيط لسنوات لتوصل للأولمبياد".
وتابع: "بتشوف أميركي فايت مركز أربعين اشتهيت شوف تعليق عليه غلط ونفس الشي الكندي إلي خلص السباق بعدي اشتهيت واحد عم يتمسخر عليه بس نحنا ما شاطرين غير بالمسخره والتنظير عبعض ولك ياريت إلي عم ينتقدك أحسن منك لا بكون كرشو مدلل مترين".
وقال: "أنا صرلي عم خطط تلت سنين لأوصل بس للأولمبياد بأصعب الظروف لك جواز سفر بلدك ما بطالعك عالسطوح كان كل بلد يذل الدنيا تبعي لأني بس سوري وبدك يعني نعمل إنجاز هون تفضل أنت شو قدمت بالسنين الماضييه لتتفضل وتنتقد هلق وتحكي".
ويعد محمد ماسو، وهو لاعب الترياتلون (السباحة، والجري، والدراجة الهوائيّة) اللاعب السوري الوحيد الذي تأهل في هذه اللعبة، وهو ممثل فريق النظام في منافسات أولمبياد طوكيو.
ويمثّل منتخب سوريا، الذي شكّله النظام، في أولمبياد طوكيو بـ 6 رياضيين فقط، بينهم لاعبة كرة الطاولة، هند ظاظا، البالغة من العمر 12 عاماً، وهي أصغر مشاركة في النسخة الـ32 من دورة الألعاب الأولمبية الصيفية "طوكيو 2020"، كما يضم الفريق أيضاً، مجد الدين غزال - الوثب العالي، معن أسعد - رفع الأثقال (وزن ما فوق 109)، أحمد حمشو – فروسية، أيمن كلزية - سباحة (200 م فراشة)، محمد ماسو – الثرياتلون، بالإضافة إلى 9 لاعبين سوريين ضمن منتخب اللاجئين.
